سجادہ نشین دَرگاہِ عالیہ گولڑہ شریف سّید پیر مہر فرید الحق گیلانی نے ایوانِ مہرعلی شاہ حضرو/ اٹک کے سرپرست محمد صالح گولڑوی کی دعوت پر اٹک کا خصوصی دورہ کیا۔

اسلام آباد ( ڈاکٹر غلام مرتضیٰ ۔ ایڈیٹر ہماری بات پاکستان ) سجادہ نشین دَرگاہِ عالیہ گولڑہ شریف سّید پیر مہر فرید الحق گیلانی نے ایوانِ مہرعلی شاہ حضرو/ اٹک کے سرپرست محمد صالح گولڑوی کی دعوت پر اٹک کا خصوصی دورہ کیا۔ اٹک تین میلہ موڑ پر ایوان مہر علی شاہ کے ممبران اور مریدین نے بھرپور اور شاندار استقبال کیا اور قافلے کی صورت میںسجادہ نشین درگاہ گولڑہ شریف کو بسم اللہ کالونی لایا گیا جہاں انہوں نے اپنے دست مبارک سے جامع مسجد پیر مہر علی شاہ کا سنگ بنیاد رکھا اور خصوصی دُعا کرائی۔ اس موقع پر خطیب درگاہ گولڑہ شریف عبدالحمید گولڑوی، وائس چیرمین بلدیہ اٹک ملک طاہر اعوان، محمد صالح گولڑوی، صحافی و کالم نگار اقبال زرقاش،غلام محمد گولڑوی، ندیم بٹ ایڈوکیٹ، سید نیاز حسین شاہ ومریدین گولڑہ شریف کی کثیر تعداد موجود تھی۔
انہوں نے ایوان مہر علی شاہ اٹک کے دفتر کا دورہ بھی کیا ۔ پیر سید غلام مہر فرید الحق گیلانی خصوصی طور پر صحافی وکالم نگار اقبال زرقاش کی رہائش گاہ چوہدری محمد جمیل ہاﺅس ،فاروق اعظم کالونی تشریف لائے جہاں انکا استقبال اقبال زرقاش ،محمد صالح گولڑوی، ملک محمدممریز ، سردار ایاز خالد مٹھیالوی ، ایوان مہر علی شاہ کے ممبران اور مریدین نے کیا۔ اس موقع پر انہوں نے خصوصی دُعا کروائی اور اقبال زرقاش سے مختلف امور پر تبادلہ خیال کیا۔ انہوں نے ندیم بٹ ایڈوکیٹ کے رہائش گاہ پر انکے والد ضیاء الدین بٹ کی وفات پر بھی تعزیت کی ۔

(Visited 33 times, 1 visits today)

Leave a Reply

Your email address will not be published. Required fields are marked *